Kwamamaza

RDC: Moïse Katumbi arifuza ko muri Congo hashyirwaho urukiko nk’urwa Arusha

Yanditswe kuya 8-09-2016 saa 10:11' na Niyonsenga Schadrack


Moïse Katumbi, umwe mu batavuga rumwe n’ubutegetsi buriho muri Repubulika Iharanira Demukarasi ya Congo, yasabye ko muri iki gihugu hashyirwaho urukiko nk’urwa Arusha kugira ngo ruburanishe abantu bakoze ibyaha ndetse runafashe gukuraho umuco wo kudahana muri iki gihugu.

Ibi Katumbi yabivugiye mu biganiro ku mpinduka muri politiki ya Afurika byabereye ku cyicaro cy’Inteko Ishinga Amategeko y’Umuryango w’Ubumwe bw’u Burayi i Bruxelles mu Bubiligi.

Muri iyi nama, Katumbi yavuze ko ibiganiro bihuza Leta n’abatavuga rumwe na yo biri kubera i Kinshasa ari ikinamico bitewe n’uko ngo zimwe mu nkingi za mwamba mu batavuga rumwe n’ubutegetsi batari muri ibi biganiro.

Yagize ati "Bishoboka bite ko Etienne Tshisekedi , umuturage wa Congo wa mbere utavuga rumwe na Leta twemera ko atitabira ibyo biganiro?”

Ibyo biganiro bikomeje kubera muri Congo guhera ku wa 01 Nzeri 2016, ntibirimo abo ku ruhande rutavuga rumwe na Leta ya Kabila cyangwa abandi banyapolitike bakomeye cyangwa se amwe mu mashyaka akomeye atavuga rumwe n’ubutegetsi nk’ishyaka riharanira ubwigenge bwa Congo (Le Mouvement de libération du Congo (MLC)) rya Jean Pierre Bemba ndetse na G7 rimwe mu mahuriro ya Politiki ashyigiye ko Katumbi yakwiyamamariza umwanya w’umukuru w’igihugu.

Jeune Afrique yanditse ko uyu mugabo wahoze ayobora Intara ya Katanga, yatangaje ko ibiganiro bya mbere Kabila yagombaga gutumiza byagombaga kuba ibyiga ku bibazo by’umutekano mu gace ka Beni kurusha guterwa ubwoba no kuguma ku butegetsi.

Katumbi yagize ati" Nasaba ko hajyaho urukiko rwihariye nka rumwe rwa Arusha rugamije guca umuco wo kudahana no gucira imanza abagize uruhare mu bwicanyi mu duce twa Congo”.

Moïse Katumbi uri mu gihugu cy’u Bubiligi, avuga ko adatewe ubwoba no kuba yasubira mu gihugu cye kabone n’ubwo bamaze kumukatira imyaka itatu y’igifungo ashinjwa guhuguza umunyamahanga uba muri Congo imitungo ye ndetse no kwinjiza abarwanyi b’abacanshuro mu gihugu mu buryo butemewe n’amategeko.

Yavuze kandi ko yiteguye kuzahatana mu matora y’Umukuru w’Igihugu ndetse anavuga ko Perezida Kabila agomba kurekura ubutegetsi bitarenze tariki ya 19 Ukuboza 2016 kandi ko nta biganiro bigomba kuba kuri iyi ngingo.

Katumbi avuga ko muri Congo hakwiye gushyirwaho urukiko nk'urwa Arusha

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved