RDC: Inyeshyamba za ADF zicishije imipanga abasivile 19 i Beni

Yanditswe na Bukuru JC
Kuya 28 Ugushyingo 2019 saa 09:48
Yasuwe :
0 0

Ingabo za Loni zibungabunga amahoro mu Burasirazuba Repubulika Iharanira Demokarasi ya Congo (Monusco) zemeje ko inyeshyamba za ADF zishe abasivile 19 bo mu gace ka Beni.

Ubu bwicanyi bwabaye mu ijoro rishyira ku wa 27 Ugushyingo 2019. Umuvuguzi wa Monusco, Mathias Gillmann, yasobanuye ko imirambo y’abo baturage bigaragara ko bicishijwe intwaro gakondo zirimo imipanga.

Ati “Ubwicanyi bwakozwe n’inyeshyamba za ADF mu gicuku ziaturutse mu mashyamba, abantu zafashe mu gace tutagenzura neza, zagendaga zibicisha imipanga.”

Ubu bwicanyi bukozwe nyuma y’iminsi ibiri gusa mu gace ka Beni habaye imyigaragambyo yo kwamagana ingabo za Monusco. Aba basivile biciwe mu birometero 10 uvuye ku birindiro by’ingabo za Monusco.

Ingabo za Monusco n’iza Leta zoherejweyo ngo zige gutangayo ubutabazi nk’uko RFI yabitangaje.

Guhera ku wa 5 Ugushyingo kugeza ubu, imibare y’abamaze kwicwa n’inyeshyamba imaze kumenyekana bagera kuri 99.

Inyeshyamba za ADF zikomeje kwica abasivili mu gace ka Beni

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza