RDC: Ingabo zatangiye ibitero simusiga byo kurandura imitwe yitwaje intwaro mu Burasirazuba

Yanditswe na Twarabanye Venuste
Kuya 3 Ugushyingo 2019 saa 01:08
Yasuwe :
0 0

Ingabo za Repubulika Iharanira Demokarasi ya Congo, FARDC zatangaje ko ku wa Kane mu gace ka Beni ko mu Ntara ya Kivu y’Amajyarugu hatangirijwe ibikorwa byo kurwanya imitwe yitwaje intwaro ikorera mu Burasirazuba bw’icyo gihugu.

Umuvugizi w’ingabo za Congo Léon-Richard Kasonga yatangaje ko ibikorwa byo kurwanya iyo mitwe byatangiye mu ijoro ryo ku wa Gatatu rishyira ku wa Kane, nkuko Jeune Afrique yabitangaje.

Ati “ Ingabo za Repubulika Iharanira Demokarasi ya Congo, FARDC zatangiye kuva mu ijoro ryo ku wa Gatatu rishyira ku wa Kane ibikorwa byo kurandura imitwe yose yitwaje intwaro yaba iyo mu gihugu n’iy’abanyamahanga iteje ikibazo mu Burasirazuba bw’igihugu n’umutekano muke mu karere k’ibiyaga bigari.”

Umukuru w’ingabo muri ako gace we yagize ati “Ibyo bikorwa byatangiriye muri Nyaleke (agace ko muri Beni) aho ingabo zabashije kuribata ibirindiro by’inyeshyamba ku buryo bukomeye. Ingabo zirwanira ku butaka zabitangiye kuri uyu wa Kane mu gitondo.”

Agace ka Beni kabaye isibaniro ry’ibitero by’umutwe witwaje intwaro wo muri Uganda (ADF) mu myaka itanu ishize. Abantu babarirwa mu magana barishwe.

Jeune Afrique yanditse ko Ingabo za Congo zohereje ubutumwa bw’amashusho ku itangazamkuru bugaragaza imodoka z’intambara, n’abasirikari bambaye imyambaro y’ingabo za RDC bajya birindiro nk’abiteguye imirwano humvikana n’urusaku rw’amasasu.

Hashize icyumweru ingabo za Congo, iz’u Rwanda, u Burundi, Uganda na Tanzaniya zifashe icyemezo cyo gufatanya guca intege imitwe yitwaje intwaro imaze imyaka irenga 25 ikorera mu Burasirazuba bwa Congo.

Uburazirasuba bwa Congo niyo ndiri y’umutwe wa FDLR washinzwe n’abasize bakoze Jenoside mu Rwanda ndetse n’indi mitwe igenda ivuka nk’iy’umutwe w’iterabwoba wa RNC ya Kayumba Nyamwasa n’andi mashyaka atavuga rumwe na Leta y’u Rwanda bafatanyije mu cyiswe P5 bagamije guhungabanya umutekano w’u Rwanda.

Ingabo za Repubulika Iharanira Demokarasi ya Congo, FARDC zatangaje ko ku wa Kane mu gace ka Beni ko mu Ntara ya Kivu y’Amajyarugu hatangirijwe ibikorwa byo kurwanya imitwe yitwaje intwaro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza