00:00:00 IGIHE NETWORK KN KINYARWANDA EN ENGLISH FR FRANCAIS

Lubumbashi: Indege yagonze umumotari ku kibuga cy’indege

Yanditswe na Rosine Ingabire
Kuya 15 Kanama 2021 saa 09:20
Yasuwe :
0 0

Indege ya sosiyete y’indege itwara abantu n’ibintu, Congo Airways yagonze umusirikare wari utwaye moto ku kibuga cy’indege cya Loano muri Lubumbashi, mu Ntara ya Haut-Katanga ubwo iyo ndege yiteguraga guhagarara kuri icyo kibuga.

Ntabwo hasobanuwe impamvu uwo musirikare yari atwaye moto ahantu indege zinyura zigiye guhagarara icyakora ashobora kuba ari umwe mu bakora kuri icyo kibuga.

Minisiteri y’Itumanaho no gutwara abantu n’ibintu muri Congo, yatangaje ko iyo mpanuka yabaye ahagana saa moya n’iminota 15 z’umugoroba ku isaha yo muri icyo gihugu.

Ikinyamakuru Actualité cyatangaje ko iyo ndege yari izanye abagenzi 18 n’abashinzwe gutwara indege batanu, ibavanye muri Mbuji Mayi.

Minisiteri mu itangazo yasohoye, yatangaje ko hari ibintu byinshi byangiritse gusa nta muntu n’umwe wayiguyemo, uwari utwaye moto yakomeretse.

Hatangijwe iperereza ngo hamenyekane neza icyateye iyo mpanuka.

Indege yangiritse imaze kungonga umumotari
Indege za Congo Airways zisanzwe zitwara abagenzi imbere muri Congo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .