00:00:00 IGIHE NETWORK KN KINYARWANDA EN ENGLISH FR FRANCAIS

RDC: Imitwe yitwaje intwaro yishe abaturage 12

Yanditswe na Umwali Zhuri
Kuya 23 Ugushyingo 2021 saa 08:24
Yasuwe :
0 0

Abarwanyi b’imitwe yitwaje intwaro mu gace ka Ituri muri Repubulika Iharanira Demokarasi ya Congo, bishe abantu 12 mu gitero cyagabwe ku basivile n’ubundi bari basanzwe baravanywe mu byabo n’intambara.

Abo barwanyi ni abo mu mutwe witwa CODECO, bateye agace ka Drodro mu ijoro ryo ku Cyumweru bica abana batandatu, abagabo bane n’abagore babiri.

Impfu z’abo baturage zemejwe n’Umuvugizi wa Guverinoma muri ako gace, Jules Ngongo.

Nubwo leta ivuga ko hapfuye abantu 12, hari amakuru avuga ko bishoboka cyane ko abapfuye ari benshi kurusha umubare watangajwe.

Ibitero cya CODECO bimaze kugwamo abasivili benshi muri Ituri by’umwihariko mu gace ka Djugu kuva mu 2017. Byatumye abandi ibihumbi bahunga bava mu ngo zabo.

Abarwanyi ba CODECO baba baturuka mu miryango y’abahinzi yo mu gace ka Lendu imaze igihe kinini mu makimbirane n’abandi bo mu bwoko bw’aba Hema.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .