00:00:00 IGIHE NETWORK KN KINYARWANDA EN ENGLISH FR FRANCAIS

RDC: Ibihe bidasanzwe muri Ituri na Kivu y’Amajyaruguru bishobora kongerwa

Yanditswe na Rosine Ingabire
Kuya 16 Kanama 2021 saa 08:50
Yasuwe :
0 0

Abadepite muri Repubulika Iharanira Demokarasi ya Congo baraterana mu Nteko rusange idasanzwe kuri uyu wa Kabiri tariki 17 Kanama 2021, basuzuma ibimaze kugerwaho nyuma y’ishyirwaho ry’ibihe bidasanzwe mu Ntara za Kivu y’Amajyaruguru na Ituri.

Ibihe bidasanzwe muri izo Ntara byashyizweho muri Gicurasi uyu mwaka, aho izo ntara zahawe abayobozi ba gisirikare hagamijwe guhashya imitwe yitwaje intwaro yayogoje ako gace.

Biteganyijwe ko abadepite bashobora kongera igihe ibihe bidasanzwe bigomba kumara muri izo ntara zombi, nkuko ikinyamakuru Actualité cyo muri Congo cyabitangaje.

Nibaramuka bemeje ko ibyo bihe byongerwa, bizaba bibaye ku nshuro ya gatandatu mu mezi atatu ashize.

Inteko igiye guterana yiga kuri icyo kibazo, nyuma yo gushyiraho Komisiyo yihariye icukumbura umusaruro ibyo bihe bidasanzwe bimaze gutanga muri Kivu y’Amajyaruguru na Ituri, hashingiwe ku cyatumye bijyaho.

Ntabwo Komisiyo iratanga ibyavuye muri raporo yayo, nta n’ubwo biramenyekana niba bazayigaragaza kuri uyu wa Kabiri.

Igisirikare nicyo cyahawe kuyobora Kivu y'Amajyaruguru na Ituri mu bihe bidasanzwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .