Kwamamaza

RDC: Gahunda zose z’abatavuga rumwe n’ubutegetsi zaburijwemo

Yanditswe kuya 19-11-2016 saa 18:44' na Philbert Hagengimana


Gahunda zirimo imyigaragambyo na mitingi abatavuga rumwe n’ubutegetsi muri Repubulika Iharanira Demukarasi ya Congo (RDC), cyane cyane abo ku ruhande rwa Etienne Tshisekedi bateganyaga kuri uyu wa 19 Ugushyingo zaburijwemo n’abashinzwe umutekano.

Kuri uyu wa Gatandatu, abatavuga rumwe n’ubutegetsi muri RDC bari bateguye ibikorwa bitandukanye birimo imyigaragambyo n’inama (Mitingi) bigamije kwamagana ko Perezida Joseph Kabila yagundira ubutegetsi, ariko biza kuburizwamo n’abapolisi benshi bari boherejwe mu Mujyi wa Kinshasa.

Kimwe no kuwa 5 Ukwakira ubwo haburizwagamo inama y’abatavuga rumwe n’ubutegetsi hakoreshejwe umukino w’umupira w’amaguru, kuri uyu wa Gatandatu na bwo hifashijwe iturufu nk’iyo, ubwo abagombaga guhurira muri iyo nama bageraga aho bagombaga guhurira, bagasanga harimo umukino w’irushanwa ry’abagore rigamije kurwanya ihohoterwa.

RFI dukesha iyi nkuru itangaza ko uwo mukino wari uri kurebwa n’Umuyobozi wa Polisi mu Mujyi wa Kinshasa, wari ugaragiwe n’abapolisi benshi, maze agira ati “Ni irushanwa ryo kurwanya ihohoterwa, ni njye ubwanjye uributange igikombe.”

Iyo nama y’abatavuga rumwe n’ubutegetsi yagombaga gutangira saa ine (10:00am), ariko kuri iyo saha ni bwo Umuyobozi wa Polisi mu Mujyi wa Kinshasa yari ageze kuri icyo kibuga, mu gihe hafi aho hari hari abarwanashyaka ba UDPS, ishyaka rya Etienne Tshisekedi, baririmbaga bati “Batubuza gusaba uburenganzira bwacu, ni ukuri ni igitugu.”

Ubwo ibyo byabaga, abayoboke ba UDPS bari babujijwe amahwemo, ndetse n’aho umuyobozi w’iryo shyaka Etienne Tshisekedi atuye hari hagoswe, dore ko hari hari imodoka za polisi, umwe mu bashinzwe umutekano atanga itegeko ko “nta munyamakuru wemerewe kuhagera”.

Ibi bibaye mu gihe muri RDC hakomeje gututumba imvururu zishingiye ku ngengabihe y’amatora yashyizwe muri Mata 2018 hakemezwa ko Perezida Kabila agomba gukomeza kuyobora kugeza igihe hazaba hamaze gutorwa uzamusimbura.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved