Kwamamaza

RDC: Abaturage bakomeje kwiyandikisha kuri lisiti y’itora

Yanditswe kuya 10-10-2016 saa 09:57' na Mukaneza M.Ange


Nubwo itariki amatora ya Perezida muri Repubulika Iharanira Demokarasi ya Congo azabera itaramenyekana, imyiteguro irakomeje aho Komisiyo y’Igihugu y’amatora(CENI) iri kubarura no gushyira ku malisiti y’itora abaturage bagejeje imyaka.

Iki gikorwa kuri ubu kiri kubera mu ntara zirindwi z’igihugu cyari cyatangiye umwaka ushize ku itariki 30 Nyakanga, mu Ntara ya Ubangui y’Amajyaruguru.

Umuyobozi wa CENI, Corneille Nangaa, yavuze ko kugeza ubu abamaze kwiyandikisha ari ibihumbi 500 kandi ko igikorwa gikomeje kugenda neza.

Yakomeje avuga ko ikibazo cyagaragaye mu bikoresho by’itora bari bafite kigiye gukosorwa ndetse batumije ibindi bigera ku 7 500 bizatuma muri iki cyumweru babasha gutangira kwandika abo mu zindi ntara zirindwi.

Nk’uko RFI dukesha iyi nkuru yabyanditse, CENI ivuga ko niramuka ibonye ubufasha bujyanye n’amikoro, nta kabuza bizagera ku itariki ya 31 Nyakanga 2017 bamaze gukora amalisiti yuzuye kandi yizewe.

Muri Nyakanga 2015, Repubulika Iharanira Demokarasi ya Congo yagabanyijwemo intara 26 zivuye kuri 11 zari zisanzweho.

Mu gihe amatora ya Perezida yari ategerejwe mu kwezi gutaha, ku itariki ya 1 Ukwakira 2016, Komisiyo y’amatora yatangaje ko adashobora kuba mbere y’Ugushyingo kwa 2018.

Ni mu gihe manda ya kabiri ya Perezida Joseph Kabila izarangira ku wa 20 Ukuboza uyu mwaka, abatavuga rumwe bakaba bifuza ko yahita ava ku butegetsi.

Ibikorwa byo kwandika abazatora Umukuru w’Igihugu muri Congo mu matora ategerejwe muri 2018 birarimbanyije

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved