RDC: Abasivile 46 bishwe, haracyekwa ADF

Yanditswe na Bukuru JC
Kuya 15 Mutarama 2021 saa 09:26
Yasuwe :
0 0

Inzego z’Umutekano muri Repubulika Iharanira Demokarasi ya Congo zatangaje ko hari abaturage 46 bo mu gace ka Irumu bishwe, biracyekwa ko ubu bwicanyi bwakozwe n’umutwe w’inyeshyamba utavuga rumwe n’ubutegetsi bwa Uganda wa Allied Democratic Forces (ADF).

Ubu bwicanyi bwabereye mu Burasirazuba bwa Repubulika Iharanira Demokarasi ya Congo ku wa 14 Mutarama 2021. Inzego z’Umutekano zatangaje ko Ingabo za Leta zageze muri aka gace ka Irumu kugira ngo hakorwe iperereza kuri ubu bwicanyi.

Ijwi rya Amerika ryatangaje ko abayobozi bo muri aka gace bemeza ko ubu bwicanyi bwakozwe n’umutwe wa ADF.

Imibare y’Ishami ry’Umuryango w’Abibumbye igaragaza ko kuva mu 2019 uyu mutwe wa ADF umaze kwica abasivile babarirwa mu 1000.

Umutwe w'inyeshyamba wa ADF ukunze kugira uruhare mu bikorwa by'ubwicanyi bibera muri Congo, aha hari muri Gashyantare 2020 mu giteri wagabye mu gace ka Beni

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .