00:00:00 IGIHE NETWORK KN KINYARWANDA EN ENGLISH FR FRANCAIS

RDC: Abasirikare babiri bakatiwe gufungwa burundu bazira kurwana

Yanditswe na Rosine Ingabire
Kuya 11 Kanama 2021 saa 12:23
Yasuwe :
0 0

Urukiko rwa gisirikare muri Repubulika Iharanira Demokarasi ya Congo rwakatiye igifungo cya burundu abasirikare babiri bakuru beherutse kugaragara barwana.

Hashize iminsi hagiye hanze amashusho agaragaza abo basirikare batongana, bakanarwanira ku kibuga cy’indege cya Goma.

Abo ni Major Rimenze Kangingo Bisimwa na Captain Mukando Muzito Paulin.

Urukiko rwabahamije icyaha cyo gukubita no gukomeretsa no kunyuranya n’amabwiriza agenga ibihe bidasanzwe yashyizweho mu Ntara ebyiri zibasiwe n’imitwe yitwaje intwaro.

Nubwo bakatiwe gufungwa burundu, BBC yatangaje ko bahawe iminsi itanu yo kujurira mu gihe baba batishimiye igihano bahawe.

Guhera muri Gicurasi uyu mwaka, Intara za Kivu y’Amajyaruguru na Ituri zashyizwe mu bihe bidasanzwe zihabwa n’abayobozi b’abasirikare bagamije guhangana n’imitwe yitwaje intwaro imaze imyaka isaga 25 ihayogoza.

Urukiko rwategetse ko abasirikare ba FARDC baherutse kugaragara barwana bafungwa burundu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .