00:00:00 IGIHE NETWORK KN KINYARWANDA EN ENGLISH FR FRANCAIS

RDC: Abantu benshi baburiwe irengero mu mpanuka y’ubwato yabereye mu Kivu

Yanditswe na Umwali Zhuri
Kuya 12 Ugushyingo 2021 saa 01:44
Yasuwe :
0 0

Abantu babiri bamaze kurohorwa bapfuye mu gihe abandi benshi hari ubwoba ko nabo bashobora kuba batakarije ubuzima mu mpanuka y’ubwato yabereye i Kalehe muri Repubulika Iharanira Demokarasi ya Congo mu Kiyaga cya Kivu.

Iyo mpanuka y’ubwato yabaye ku wa Kane. Minisitiri ushinzwe gutwara abantu n’ibintu muri RDC ni we watangaje ko abantu babiri ari bo bamaze kuboneka kandi na bo bapfuye.

Bivugwa ko ubwo bwato bwagonze ibuye mu gitondo cyo ku wa Kane ahagana saa tatu, gusa ntibizwi neza umubare w’abari baburimo nk’uko Minisitiri Malumbi Mathieu yabitangaje.

Umuyobozi wa Sosiyete Sivile muri kariya gace ka Kalehe ahabereye iyo mpanuka, Delphin Birimbi, yatangaje ko abakorerabushake bamaze kurohora imibiri 15 gusa ko ibikorwa byo gukomeza gushaka imibiri byasubitswe mu masaha y’ijoro no kubera imvura yagwaga.

Bivugwa ko hari abantu barenga 40 bagikomeje kuburirwa irengero.

Impanuka z'ubwato zikomeje kuba nyinshi muri Repubulika Iharanira Demokarasi ya Congo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .