RDC: Abantu bagera ku 1900 bamaze guhitanwa na Ebola

Yanditswe na IGIHE
Kuya 11 Kanama 2019 saa 01:21
Yasuwe :
0 0

Kuva icyorezo cya Ebola cyakwinjira muri Repubulika Iharanira Demokarasi ya Congo, abantu 2801 nibo bagaragaweho nayo, aho muri bo 1879 bitabye Imana.

Iyi mibare mishya igaragaza uko Ebola ihagaze muri RDC kugeza ku wa 9 Kanama. Yerekana ko abantu 2801 aribo bamaze kugaragarwaho n’iki cyorezo.

Mu bo cyari cyagaragayeho, abagera kuri 813 bahawe urukingo ndetse n’ubu baracyari kwitabwaho.

Imibare igezweho igaragaza ko abantu 1879 bitabye Imana kubera uburwayi bwa Ebola muri RDC kuva ubwo iki cyorezo kihagaragariye ku nshuro ya 10 mu mwaka ushize.

Umubare munini w’abo iki cyorezo cyibasiye ni abagore kuko barenga gato 56% mu gihe abana bari munsi y’imyaka 18 ari 28%. Kuva muri Kanama umwaka ushize, abantu 189 449 ni bo bamaze guhabwa urukingo rw’iki cyorezo.

Umurwayi wa Ebola agira umuriro, ababara umutwe, aribwa mu ngingo, mu muhogo, agacika intege, agahitwa, akaruka cyane kandi kenshi.

Mu bindi bimenyetso agaragaza harimo kuribwa mu nda no kuva amaraso ahantu hose hari umwenge ku mubiri. Yandura ku muntu ukoze ku murwayi wayo adafite ubwirinzi.

Abantu bagera ku 1900 bamaze guhitanwa na Ebola

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza