Perezida wa Zambia yapfuye

Yanditswe na
Kuya 29 Ukwakira 2014 saa 08:01
Yasuwe :
0 0

Perezida wa Zambia Michael Sata yapfiriye mu bitaro byo mu Bwongereza aho yarari kuvurirwa indwara yagizwe ibanga nk’uko ibitangazamakuru bitatu byo muri Zambia byabitangaje.

Televiziyo yigenga izwi ku izina rya Muzi, ikinyamakuru Zambia Reports na Zambian Watchdog byatangaje ko nyuma y’urupfu rwe hagombaga guhita haterana inama ya Guverinoma.

Abayobozi ba Guverinoma ntacyo batangaje kuri urwo rupfu rukomeje guhwihwiswa.

Amakuru avuga ko Sata yitabye Imana ku wa Kabiri mu bitaro King Edward VII by’I Londres mu Bwongereza ariko nabyo ntacyo byatangaje.

Sata w’imyaka 77, yavuye muri Zambia ku wa 19 Ukwakira 2014 aherekejwe n’umugore we na bamwe mu bagize umuryango we.

Kuva ubwo ntamakuru yigeze yongera gutangazwa ku buzima bwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza