Perezida wa Somalia, Mohamed Abdullahi yihakanye ubwenegihugu bwa Amerika

Yanditswe na Ndayikunda Josué
Kuya 1 Kanama 2019 saa 06:55
Yasuwe :
0 0

Perezida wa Somalia, Mohamed Abdullahi uzwi nka "Farmajo" yiyambuye ubwenegihugu bwa Leta Zunze Ubumwe za Amerika, nk’uko ibiro bye byabitangaje.

Nubwo leta ya Somalia yemera ko umuntu yagira ubwenegihugu bubiri, itangazo ryasohotse rivuga ko nyuma yo kugirwa Perezida wa Somalia mu 2017 yahise ahara pasiposo y’Abanyamerika.

Bivugwa ko kimwe mu byamuteye kwiyambura ubwenegihugu bwa Leta Zunze Ubumwe za Amerika ari uko yabujijwe kuba yakwitabira inama y’Umuryango w’Abibumbye kuva yatorwa muri Gashyantare 2017.

Mu gihe cy’intambara y’abaturage muri Somalia mu 1991, Farmajo yigaga muri Amerika agumayo aza no guhabwa ibyangimbwa by’uko ari impunzi.

Hagati ya 2010 na 2011, Farmajo yahamagawe kuba minisitiri w’intebe muri Somalia aho uwo mwanya yawumazeho amezi umunani gusa agahita asubira muri Amerika.

Farmajo yagarutse muri Somalia mu 2016 agiye kwiyamamariza umwanya w’umukuru w’igihugu, asiga umuryango we muri Amerika. Abayobozi benshi muri Somalia batunze ubwenegihugu bubiri bitewe n’intambara z’abaturage zibasiye iki gihugu.

Perezida wa Somalia, Mohamed Abdullahi uzwi nka "Farmajo" yiyambuye ubwenegihugu bwa Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza