Perezida wa Algeria yavuye mu bitaro nyuma y’amezi abiri arwariye mu Budage

Yanditswe na Bukuru JC
Kuya 13 Gashyantare 2021 saa 11:38
Yasuwe :
0 0

Perezida wa Algeria, Abdelmadjid Tebboune yagarutse mu gihugu cye nyuma y’amezi abiri ari mu bitaro mu Budage aho yabazwe ikirenge.

Televiziyo ya Leta ya Algeria yatangaje ko Abdelmadjid Tebboune yagarutse mu gihugu kuri uyu wa Gatanu.

Tebboune w’imyaka 75 yajyanywe mu bitaro umwaka ushize nyuma yo kwandura Covid-19, amaze gukira agumayo kugira ngo abagwe ikirenge.

Tariki 10 Mutarama uyu mwaka, ibiro by’umukuru w’igihugu byatangaje ko igikorwa cyo kubaga Perezida ukuguru cyagenze neza.

Benshi mu baturage ba Algeria bategereje amavugurura mu miyoborere n’ibijyanye n’ubukungu Tebboune yabasezeranyije nyuma yo gusimbura Abdelaziz Bouteflika weguye mu 2019 nyuma y’imyigaragambyo.

Tebboune yagarutse mu gihugu cye nyuma y'amezi abiri mu Budage

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .