Perezida Tshisekedi yiyemeje gusiga Congo itarangwamo imitwe yitwaje intwaro

Yanditswe na Rosine Ingabire
Kuya 29 Mata 2021 saa 10:15
Yasuwe :
0 0

Perezida wa Repubulika Iharanira Demokarasi ya Congo, Félix Tshisekedi yiyemeje gukora ibishoboka byose imitwe yitwaje intwaro imaze igihe ihungabanya umutekano mu Burasirazuba bw’igihugu igahashywa burundu.

Ibiro Ntaramakuru by’Abafaransa (AFP), byatangaje ko Tshisekedi yavuze ko hagiye gushyirwaho uburyo bwihariye buzifashishwa iyo mitwe ikarandurwa mu gihugu.

Mu kiganiro n’abanyamakuru mu murwa mukuru Kinshasa, Tshisekedi yagize ati “Ndi gutegura ingamba zihariye zizadufasha guhashya burundu ibibazo bihora mu Burasirazuba.”

Congo ibarizwamo imitwe isaga 120 irimo iyashinzwe n’abakomoka mu Rwanda nka FDLR igizwe n’abasize bakoze Jenoside yakorewe Abatutsi, ikomoka mu Burundi, Uganda n’iyashinzwe n’abaturage ba Congo ubwabo.

Kubera iyo mitwe, agace k’u Burasirazuba bwa Congo kamaze imyaka isaga 20 nta mutekano uharangwa, abaturage bahohoterwa abandi bakicwa n’ibindi.

Tshisekedi yatangaje ko agiye gufata ingamba zizatuma imitwe yitwaje intwaro icika burundu muri RDC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .