00:00:00 IGIHE NETWORK KN KINYARWANDA EN ENGLISH FR FRANCAIS

Perezida Suluhu yaciye amarenga ku bwiyongere bwa Covid-19 muri Tanzania

Yanditswe na Muhonzire Sylvine
Kuya 9 Nyakanga 2021 saa 09:37
Yasuwe :
0 0

Perezida wa Tanzania, Samia Suluhu, yaburiye abanya-Tanzania ko iki gihugu kiri mu nkubiri ya Gatatu ya Coronavirus bityo ko amazi atakiri ya yandi bakwiriye kwirinda no gukurikiza amabwiriza yose.

Ibi yabivuze ko ubwo yari ari kuva mu Murwa Mukuru Dodoma, agatungurwa no kubona ikivunge cy’abaturage benshi bahagararanye begerenye kandi batambaye udupfukamunwa ahitwa Kibaigwa.

The East African dukesha iyi nkuru yavuze ko Perezida Suluhu yavuze ko imijyi mikuru yose muri Tanzania ifite abarwayi ba Coronavirus benshi bityo ko abantu badakwiriye kwirara.

Ati “Inkubiri ya Gatatu yamaze kugera mu gihugu, ntacyo twabahisha. Dufite abarwayi muri Kagera, Arusha, Mwanza, Dar es Salaam ndetse na Dodoma.”

“Ndabona hano ari abantu bake bambaye udupfukamunwa kandi nabo batwambaye nabi kuko bapfutse umunwa gusa amazuru yabo bayasiga agaragara. Ku bw’iyo mpamvu rero ndasaba buri wese uri hano gukurikiza amabwiriza yose yo kwirinda Coronavirus nk’uko tubisabwa n’inzobere mu buzima.”

Perezida Suluhu avuze ibi mu gihe hari hashize igihe gito yeruye agatangaza ko noneho muri Tanzania hari abarwayi ba Covid-19 mu gihe iki gihugu cyaherukaga kubitangaza muri Gicurasi 2020.

Icyo gihe Suluhu yavuze ko kuba muri Tanzania hari abarwayi ba Coronavirus bikwiriye gukangura buri wese akirinda, kugira ngo barinde ko habaho impfu nyinshi za Covid-19.

Perezida Suluhu yasabye abaturage kwirinda Coronavirus kuko iki gihugu kiri guhangana n'inkubiri ya Gatatu / Ifoto: State House Tanzania

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .