00:00:00 IGIHE NETWORK KN KINYARWANDA EN ENGLISH FR FRANCAIS

Perezida Samia Suluhu agiye kugaragara muri filime ‘The Royal Tour’ yanagaragayemo Perezida Kagame

Yanditswe na Iradukunda Serge
Kuya 30 Kanama 2021 saa 09:18
Yasuwe :
0 0

Perezida wa Tanzania, Samia Suluhu, agiye kugaragara muri filime mbarankuru izwi nka ‘The Royal Tour’, yanagaragayemo Perezida w’u Rwanda, Paul Kagame, mu 2018.

Amakuru dukesha The Citizen avuga ko amashusho y’iyi filime yatangiye gufatwa ku wa 28 Kanama 2021 haherewe kuri Zanzibar, aho Perezida Samia Suluhu ari kugirira uruzinduko.

Biteganyijwe ko muri iyi filime, Perezida Suluhu azagaragara yerekana ibice nyaburanga muri Tanzania n’ahari amahirwe y’ishoramari nk’uko byagenze mu yo Perezida Kagame yagaragayemo.

Iyi filime yitezweho kuzarushaho kumenyekanisha Tanzania mu ruhando mpuzamahanga, cyane ko izaba yerekana ibice nyaburanga bya Tanzania birimo pariki n’ahantu hakorerwa ubukerarugendo bushingiye ku muco. Gusa kugeza ubu ntiharatangazwa igihe ibikorwa byo gufata aya mashusho bizarangirira n’igihe iyi filime izagira hanze.

Iyi filime iri gukorwa na Peter Greenberg, umunyamakuru uzwi cyane kubera gukora inkuru zishamikiye ku gucukumbura imibereho y’abakomeye binyuze mu bukerarugendo.

Uyu mugabo ukomoka muri Leta Zunze Ubumwe za Amerika amaze gukora ibiganiro mbarankuru n’abakuru b’ibihugu n’abayobozi batandukanye ku Isi mu ngendo akora agamije gucukumbura no kwerekana amakuru yimbitse ku buzima bwihariye bw’abenegihugu.

Perezida Samia Suluhu agiye kugaragara muri filime ‘The Royal Tour’

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .