00:00:00 IGIHE NETWORK KN KINYARWANDA EN ENGLISH FR FRANCAIS

Perezida Ndayishimiye agiye kugirira uruzinduko rw’iminsi ibiri muri RDC

Yanditswe na Bukuru JC
Kuya 11 Nyakanga 2021 saa 08:58
Yasuwe :
0 0

Ibiro bya Perezida w’u Burundi byatangaje ko Umukuru w’iki gihugu, Évariste Ndayishimiye, agiye kugirira uruzinduko rw’akazi muri Repubulika Iharanira Demokarasi ya Congo, aho azagirana ibiganiro na Perezida Félix-Antoine Tshisekedi.

Mu itangazo ibi biro byashyize hanze byavuze ko Perezida Ndayishimiye agiye kujya muri RDC ku butumire bwa mugenzi we. Uru ruzinduko ruzatangira ku wa 12 Nyakanga rukarangira ku wa 14 Nyakanga 2021.

Iri tangazo rikomeza rivuga ko uru ruzinduko ruri mu murongo “W’ubushake bw’abakuru b’ibihugu byombi bwo kurushaho gushimangira umubano n’ubuhahirane bihuza abaturage ba RDC n’u Burundi.”

Biteganyijwe ko abakuru b’ibihugu byombi bazaganira ku mubano w’ibihugu byombi, akarere ndetse n’ubutwererane mpuzamahanga.

Mu gihe kitageze ku kwezi, Perezida Ndayishimiye ni Umukuru w’Igihugu wa gatatu wo mu bihugu byo muri Afurika y’i Burasirazuba ugiye guhura na Antoine Tshisekedi. Ni nyuma ya Yoweri Kaguta Museveni wa Uganda na Paul Kagame w’u Rwanda.

Perezida Ndayishimiye agiye kugirira uruzinduko rw’iminsi ibiri muri RDC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .