Perezida Museveni yavuze ko abategetsi ba RDC bashyirwaho n’ibihugu byo mu Burengerazuba bw’Isi

Yanditswe na IGIHE
Kuya 5 Gicurasi 2018 saa 01:21
Yasuwe :
0 0

Perezida Yoweri Kaguta Museveni yavuze ko nyuma y’urupfu rwa Patrice Lumumba, ibiguhu byo mu Burengerazuba bw’Isi (Abanyaburayi n’Abanyamerika) ni bo bagena uko Repubulika iharanira Demokarasi ya Congo (RDC) iyoborwa.

Ibi yabitangaje ku wa Kane w’iki Cyumweru ubwo yari muri Soudani y’Epfo, aho yitabiriye inama y’ishyaka ’SPLM’ rya mugenzi we, Salva Kiir.

Museveni usanzwe ari umuhuza mu makimbirane ari muri Soudani y’Epfo, mu ijambo rye yakomoje kuri RDC ituranye n’iki gihugu, anenga uburyo ibihugu bitahwemye gushyiraho ubuyobozi byishakiye burengera inyungu zabo n’umusanzu w’ingabo za Loni zihakorera.

Yagize ati “Mu 1960 muri RDC twari dufite Patrice Lumumba wari ufite ishyaka ryarebaga ahazaza. Ibihugu byo mu Burengerazuba bw’Isi byaraje biramwica bamushinja kugira ibitekerezo byo gushyira hamwe (Communist). Baramwanze kuko atari igikoresho, hanyuma bashyiraho umuyobozi bakoresha ibyo bashatse. Kuva ubwo Loni iri muri iki gihugu.”

Museveni yananenze ingabo za Loni zibungabunga amahoro muri RDC (Monusco), aho azishinja gushyigikira umutwe w’abarwanyi ba ADF, barwanya ubutegetsi bwe.

Ingabo za Monusco ziherutse kongererwa manda kugeza ku wa 29 Werurwe 2019. Ni icyemezo cyanenzwe na RDC kuko mu myaka 20 zihamaze ntacyo zagejeje ku baturage.

Perezida Yoweri Kaguta Museveni

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza