Kwamamaza

Perezida Kenyatta yagiye kureba uko Sudani y’Epfo yubahiriza amasezerano y’amahoro

Yanditswe kuya 30-08-2016 saa 19:45' na Cyprien Niyomwungeri


Perezida wa Kenya, Uhuru Kenyatta, arabarizwa mu mujyi wa Juba muri Sudani y’Epfo aho aganira na mugenzi we Salva Kiir ku ntambwe imaze guterwa mu ishyirwa mu bikorwa ry’amasezerano y’amahoro yasinywe umwaka ushize, ngo harangizwe intambara.

Perezida Kenyatta yagiye nk’intumwa y’ibihugu umunani byo muri Afurika y’Uburasirazuba bihuriye mu muryango w’ubukungu, IGAD. The East African ikaba itangaza ko ku kibuga cy’indege yakiriwe na Visi Perezida wa Sudani y’Epfo, Taban Deng Gai.

Mu cyumweru gishize IGAD yatangaje ko iri kumwe na Guverinoma ya Sudani y’Epfo ku cyemezo cy’uko Riek Machar utavuga rumwe n’ubutegetsi agomba kugaruka mu gihugu hakubahirizwa amasezerano y’amahoro.

Muri Kanama 2015, Machar na Kiir basinye amasezerano y’amahoro, bemeranywa gushyiraho guverinoma yunze ubumwe y’inzibacyuho.

Abashyigikiye Machar bavuga ko Perezida Kiir yahonyoye amasezerano y’amahoro ubwo yamusimbuzaga Visi Perezida Gai.

Kugeza ubu Machar aracyari muri Sudani yivuza ibikomere nyuma y’imirwano yongeye kubura mu murwa mukuru Juba mu ntangiriro za Nyakanga uyu mwaka.

Perezida Kenyatta mu biganiro na Salva Kirr, Perezida wa Sudani y'Epfo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved