Kwamamaza

Perezida Kabila yakiriwe na Papa Francis i Vatican

Yanditswe kuya 26-09-2016 saa 20:45' na Niyonsenga Schadrack


Perezida wa Repubulika Iharanira Demokarasi ya Congo, Joseph Kabila yakiriwe na Papa Francis i Vatican kuri uyu wa 24 Nzeri,bagirana ibiganiro bigamije gufungura urubuga rw’ibiganiro no kugarura amahoro mu gihugu.

Ibi biganiro byibanze ku bibazo bya politiki biri muri Repubulika Iharanira Demokarasi ya Congo no ku myigaragambyo iherutse kuba muri iki gihugu mu murwa mukuru Kinshasa.

Itangazo rya leta ya Vatican ryashyizwe ahagaragara ryavugaga ko ubwicanyi bukomeje kubera mu Burasirazuba bwa Congo bukeneye ubufasha ku rwego rw’igihugu ndetse n’isi yose kugira ngo hanagarurwe amahoro muri aka gace.

Uru ruzinduko rwa Perezida Kabila i Vatican ngo ruri mu rwego rwo kongera ubucuti hagati y’ibi bihugu, Idini Gatulika risanzwe ritera inkunga ibikorwa bitandukanye nk’uburezi, ubuzima n’izindi gahunda zigamije kurwanya ubukene muri Congo.

Akimara kwakirwa i Vatican, Perezida Kabila yahise ajya mu isomero riri mu rugo aho Papa Francis atuye, ibyakurikiye byose bikaba byabaye mu muhezo.

Ikinyamakuru Lemonde dukesha iyi nkuru cyanditse ko Papa Francis yagaragaraga nk’urakaye cyane mu minota makumyabiri ya mbere agihura na Perezida Kabila ariko ko ngo byagiye bishira agaragaza akanyamuneza ubwo bari bagiye kwifotoza.

Muri uru ruzinduko, Perezida Kabila yaherekejwe n’abantu 12.

Uru ruzinduko rwa Kabila rubaye nyuma y’icyumweru kimwe mu gihugu cye habaye ubwicanyi hagati y’abashinzwe umutekano n’abatavuga rumwe na leta bwahitanye ababarirwa hagati ya 30 na100 .

Perezida Kabila na Papa Francis bagiranye ibiganiro

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved