Perezida Kabila agiye gushyiraho Guverinoma nshya

Yanditswe na Philbert Girinema
Kuya 9 Ugushyingo 2016 saa 08:15
Yasuwe : XX
91 54

Mu minsi itanu iri imbere, Perezida Kabila arashyiraho Guverinoma nshya abamushyigikiye bazaba bahuriyemo n’abatavuga rumwe n’ubutegetsi, ikazaba ishingiye ku myanzuro yasinywe kuwa 18 Ukwakira nyuma y’ibiganiro byahuje impande zombi.

Kuri uyu wa 8 Ugushyingo, abari abasangiza b’amagambo mu biganiro, Vital Kamerhe na Alexis Thambwe Mwamba, batangaje ko kuwa 14 Ugushyingo, ari bwo Perezida Kabila azashyiraho Guverinoma nk’uko byumvikanyweho.

Mu myanzuro y’ibiganiro byahuje uruhande rwa Leta n’abatavuga rumwe na yo, harimo ko Perezida Kabila azakomeza kuyobora inzibacyuho izageza muri Mata 2018 ubwo hazaba amatora y’Umukuru w’Igihugu, kandi akaba agomba gushyiraho Guverinoma nshya bitarenze iminsi 21 uhereye kuwa 24 Ukwakira.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE