Perezida Essebsi wa Tunisia ararembye

Yanditswe na Iradukunda Serge
Kuya 28 Kamena 2019 saa 08:31
Yasuwe :
0 0

Umukuru w’igihugu cya Tunisia Beji Caid Essebsi, ari mu bitaro kubera uburwayi bukomeye butavuzwe ubwo aribwo.

Essebsi w’imyaka 92 ari na we mu perezida ukuze ku Isi mu bakiri ku buyobozi, yari aherutse mu bitaro mu cyumweru gishize.

Minisitiri w’intebe wa TunisiaYoussef Chahed, abinyujije ku rukuta rwe rwa Facebook yashyizeho ubutumwa buvuga ko yasuye perezida mu bitaro.

Chahed yongeyeho ko Essebsi ari kwitabwaho kandi ko abantu bagomba guhagarika gukwirakwiza amakuru y’ibihuha ku bijyanye n’uko amerewe.

Hari amakuru yavugaga ko perezida yapfuye.

Essebi yatsinze amatora yo kuyobora iki gihugu mu 2014 nyuma y’impinduramatwara zabaye mu bihugu by’Abarabu.

Mu ntangiriro z’uyu mwaka, Essebsi yatangaje ko ataziyamamaza mu matora azaba mu Ugushyingo uyu mwaka, asaba ko hajyaho umuntu ukiri muto.

Muri 2011 nibwo Perezida Zine-El-Abedine Ben yahiritswe ku butegetsi yari amazeho imyaka 23, ahita ahunga igihugu.

Perezida Essebsi ararembye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza