Kwamamaza

Perezida Buhari yemeye ko yiyitiriye imbwirwaruhame ya Obama

Yanditswe kuya 17-09-2016 saa 14:16' na Cyprien Niyomwungeri


Ibiro bya Perezida wa Nigeria, Muhammadu Buhari byemeje ko yiyitiriye imwe mu mirongo y’imbwirwaruhame ya Perezida wa Leta Zunze Ubumwe za Amerika, Barack Obama, ubwo yizezaga impinduka mu gihugu cye.

Mu cyumweru gishize Perezida Buhari yatangije ubukangurambaga bwiswe ‘Impinduka zitangirira kuri njye’ nk’umwe mu migambi ye yo gutuma igihugu kigarukana isura nziza mu ruhando mpuzamahanga bishingiye ku kurwanya ubukene n’imicungire mibi y’umutungo.

Reuters itangaza ko igika kimwe cy’imbwirwaruhame yavuze asaba Abanya-Nigeria gutera intambwe ijya imbere bakava mu byamunze icyo gihugu mu myaka yashize, yakoresheje ijambo rya Perezida Obama yavuze akimara gutsindira kuba Perezida mu Ugushyingo 2008.

Mu itangazo ibiro bya Buhari byasohoye rigira riti “Biragaragara ko igika cy’imbwirwaruhame ya Obama mu 2008, gisa neza n’ibyo Perezida Buhari yavuze mu gika cya cyenda muri 16 yasomye. Ni bimwe ku buryo ntawakwemeza ko bapfa kubihuriraho.”

Igika Buhari yemeye ko yiganyemo Obama

Yagize ati“Tugomba kwima amaso ibishaka kudusubiza inyuma yaba ibishingiye ku ivangura, ibidafite akamaro n’ibitekerezo bidafatika byamunze igihugu cyacu igihe kirekire. Reka tugire imyumvire imwe yo kubaha inshingano, yo gukunda igihugu, kugikorera no kukitangira. Reka twese tujye imbere, dukore cyane twite ku mibereho ya buri wese.

Perezidansi yavuze ko Perezida Buhari yasabye Abanya-Nigeria kutita ku byabaye ahubwo bakita ku butumwa bw’impinduka igihugu gikeneye kugira ngo bazahure ibitaragenze neza.

Umuyobozi wungirije muri Perezidansi yemeye ko habayeho amakosa, atangaza ko abashinzwe kumutegurira imbwirwaruhame bazabihanirwa.

Perezida wa Nigeria, Muhammadu Buhari yemeye ko yiganye amagambo yakoreshejwe na Obama mu mbwirwaruhame ye

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved