00:00:00 IGIHE NETWORK KN KINYARWANDA EN ENGLISH FR FRANCAIS

Omar al-Bashir wabaye Perezida wa Sudani agiye gushyikirizwa ICC

Yanditswe na IGIHE
Kuya 11 Kanama 2021 saa 03:30
Yasuwe :
0 0

Guverinoma ya Sudani yatangaje ko igiye gushyikiriza Urukiko Mpuzamahanga Mpanabyaha (ICC) Omar al-Bashir wabaye Perezida w’iki gihugu ngo akurikiranwe ku ruhare akekwaho mu ntambara ya Darfur.

Minisitiri w’Ububanyi n’Amahanga wa Sudani, Mariam al-Mahdi, yavuze ko Guverinoma y’iki gihugu yafashe umwanzuro wo gushyikiriza ICC, Omar al-Bashir n’abandi bayobozi bagize uruhare mu mvururu za Darfur.

Bashir wahiritswe ku butegetsi mu 2019 ashinjwa kuba yaragize uruhare mu ntambara ya Darfur, Loni igaragaza ko yaguyemo abasaga ibihumbi 300 abarenga miliyoni 2.5 bagakurwa mu byabo. Ni intambara yatangiye mu 2003.

Mu 2009 ni bwo ICC yashyizeho impapuro zo guta muri yombi Bashir gusa ntibyakunda kuko yari akiri Perezida wa Sudani.

Umwanzuro wo kumushyikiriza ICC ufashwe nyuma y’uruzinduko Umushinjacyaha w’uru rukiko, Karim ari kugirira muri Sudani.

Omar Al Bashir w’imyaka 77 yahiritswe ku butegetsi n’igisirikare muri Mata 2019. Nyuma yaje gutabwa muri yombi ajyanwa muri gereza ya Kober iri mu murwa mukuru Khartoum. Mu mpera za 2019 nibwo yakatiwe gufungwa imyaka ibiri nyuma yo guhamywa ibyaha bya ruswa.

Omar al-Bashir wabaye Perezida wa Sudani agiye gushyikirizwa ICC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .