Nigeria: Polisi yahamagaje Perezida wa Sena akekwaho uruhare mu kwiba banki

Yanditswe na Ferdinand Maniraguha
Kuya 4 Kamena 2018 saa 06:32
Yasuwe :
0 0

Polisi yo muri Nigeria yahamagaje Perezida wa Sena, Bukola Saraki, ngo ahatwe ibibazo ku ruhare rwe mu bujura bumaze iminsi bukorerwa amabanki muri Leta ya Kwara muri icyo gihugu.

Ubu bujura bwabaye muri Mata bwahitanye abantu 33 barimo abapolisi icyenda. Abakozi ba banki batandatu nabo baribasiwe.

Umuvugizi wa Polisi ya Nigeria, Jimoh Moshood, yavuze ko Bukola yahamagajwe ngo atange ibisobanuro ku birego byazamuwe na bamwe mu bafashwe, bavuze ko ubujura bakoze babuterwagamo inkunga na Perezida wa Sena ndetse na Guverineri w’iyo Leta.

Bavuze ko bahabwaga amafaranga, imbunda n’imodoka zo kubatwara.

BBC yatangaje ko igihe Bukola azitabira kitaramenyekana.

Ibirego Perezida wa Sena ashinjwa arabihakana, akavuga ko ari ibihimbano bigamije kumuharabika.

Guverineri wa Leta ya Kwara Abdulfatah Ahmed na we yahakanye ibyo aregwa.

Perezida wa Sena ya Nigeria, Bukola Saraki

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza