Nigeria: Perezida Buhari yagiye kwivuriza mu Bwongereza

Yanditswe na Ntabareshya Jean de Dieu
Kuya 31 Werurwe 2021 saa 07:32
Yasuwe :
0 0

Perezida wa Nigeria Muhammadu Buhari yerekeje mu Mujyi wa Londres mu Bwongereza gukorerwa isuzuma ry’ubuzima bwe.

Ibiro bya Perezida wa Nigeria byatangaje ko Muhammadu Buhari yerekeje mu Bwongereza kuri uyu wa Kabiri tariki ya 30 Werurwe 2021.

Bavuze ko uru rugendo rumujyanye ari urwo kwisuzumisha uko ubuzima bwe buhagaze kandi ko azagaruka nyuma y’ibyumweru bibiri.

Hari impungenge ku buzima bwa Buhari wakunze cyane kwivuriza mu mahanga by’umwihariko mu Bwongereza.

Muri 2017 yigeze kumara amezi atatu muri iki Gihugu, aho byavugwaga ko ubuzima bwe butameze neza.

Buhari yaje gusubira i Londres muri 2018 ahamara iminsi ine yagiye guhura na muganga.

Perezida Buhari w’imyaka 78 kuva yatorerwa indi manda muri 2019 ibikorwa bye byo kugaragara mu ruhame ntibyakunze kuba byinshi, ibintu byatumye impungenge ziba nyinshi ku buzima bwe.

Leta yatangaje ko Buhari agiye kwivuriza mu Bwongereza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .