Kwamamaza

Nigeria: Indege ebyiri Perezida Buhari yagendagamo zigiye kugurishwa

Yanditswe kuya 5-10-2016 saa 21:35' na Jean Pierre Tuyisenge


Nigeria yatangaje ko igiye kugurisha indege ebyiri zikoreshwa na Perezida mu rwego rwo kugabanya ikoreshwa nabi rikabije ry’umutungo wa Leta.

Umuvugizi wa Perezida Muhammadu Buhari, Garba Shehu, yavuze ko izo ndege ebyiri ziri mu icumi zikoreshwa n’umukuru w’igihugu, zizagurishwa hagamijwe gutanga urugero mu kugabanya amafaranga y’igihugu akoreshwa nabi.

BBC dukesha iyi nkuru ivuga ko Leta yasohoye itangazo mu bitangazamakuru ko igurisha izo ndege, imwe ni iyo mu bwoko bwa Falcon 7X n’indi ya Hawker 4000.

Shehu yavuze ko Perezida Buhari ari we yashyize umukono kuri iryo tangazo.
Yongeyeko ko zimwe mu zindi ndege z’umukuru w’igihugu zizahabwa igisirikare kirwanira mu kirere.

Ku itariki ya 28-29 Werurwe 2015 nibwo Perezida Muhammadu Buhari yatsinze amatora, ajya ku butegetsi yari ahanganye n’ibibazo birimo iby’umutekano muke uterwa n’Umutwe wa Boko Haram, ruswa n’inyerezwa rikabije ry’umutungo wa Leta.

Umuvugizi we yavuze ko mu mirongo migari yari afite yiyamamaza harimo gukuraho ibyo byose.

Iyi nkuru ikomeza ivuga ko bitewe n’ibura ry’amafaranga y’amanyamahanga muri Nigeria, biteganyijwe ko izo ndege zombi zizagurishwa mu madolari y’Amerika.

Perezida Buhari afite indege 10 agendamo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved