Nigeria: Abarimu barenga ibihumbi 20 batsinzwe ikizamini kigenewe umwaka wa kane w’amashuri abanza

Yanditswe na IGIHE
Kuya 10 Ukwakira 2017 saa 08:56
Yasuwe :
0 0

Leta ya Kaduna muri Nigeria yatangiye gushakisha abarimu 25 000 bo gusimbura abagera ku 21 780 batsinzwe ikizamini kigenewe abanyeshuri biga mu mwaka wa Kane w’amashuri abanza, hagamijwe kureba ubushobozi bwabo.

Guverineri w’iyi Leta, Nasir el-Rufai, yatangaje ko abarimu 33 000 bo mu mashuri abanza aribo bakoze icyo kizamini bagasabwa kubona 75% ariko abagera kuri 66% bakaba baratsinzwe.

Yagize ati “Itangwa ry’akazi k’abarimu mu bihe byashize ryigeze kujyamo impamvu za politiki ariko noneho tugiye kubihindura tuzanemo abakiri bato kandi bashoboye, kugira ngo tugarure ireme ry’uburezi muri iyi leta.”

Guverineri Nasir el Rufai, yakomeje abwira BBC ko abarimu batsinzwe iki kizamini bazirukanwa, kandi ibizamini nk’ibi bizakomeza gutangwa mu gihe kiri imbere no ku barimu b’amashuri yisumbuye.

Abarimu batsinzwe ikizamini cy'umwaka wa kane w'amashuri abanza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza