Nigeria: Abaganga bari mu myigaragambyo kubwo gufatwa nabi

Yanditswe na Bukuru JC
Kuya 1 Mata 2021 saa 10:51
Yasuwe :
0 0

Abaganga mu bitaro bya Leta muri Nigeria batangiye imyigaragambyo bamagana umushara muke, ibikorwa remezo n’ibikoresho by’ubwirinzi bidahagije.

Abo baganga bari gusaba ko bahabwa n’agahimbazamushyi bemerewe kubw’umusanzu batanze mu gihe cya Coronavirus.

BBC yatangaje ko iyo myigaragambyo yahamagajwe n’Ihuriro ry’abaganga rizwi nka National Association of Resident Doctors (Nard), ribarizwamo 40 % by’abaganga bo muri icyo gihugu.

Ibitaro byinshi muri Nigeria bifite ikibazo cyo kutagira ibyangombwa nkenerwa bihagije nk’ibitanda n’imiti.

Abayobozi bavuze ko iyo myigaragambyo izagira ingaruka ku ishyirwa mu bikorwa ry’ingamba zo guhashya Covid-19 zirimo gutanga inkingo miliyoni 40 za AstraZeneca.

Iryo huriro ryatangaje ko guhera muri Werurwe 2020, abaganga 17 bamaze guhitanwa na Covid-19. Bavuze kandi ko hari agahimbazamushyi ka buri kwezi bemerewe k’amadolari 12 ariko ngo kahagaze bamaze amezi atatu.

Abaganga ba Nigeria batangaje ko batazasubira mu kazi ibyo basaba bidakemuwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .