Kwamamaza

Arthur Z’ahidi Ngoma wigeze kuba Visi Perezida wa RDC yitabye Imana

Yanditswe kuya 6-10-2016 saa 07:23' na Mukaneza M.Ange


Arthur Z’ahidi Ngoma, wigeze kuba Visi Perezida ushinzwe umuco muri Repubulika Iharanira Demokarasi ya Congo, yitabye Imana azize uburwayi.

Ngoma wari ufite imyaka 69 yaguye mu Mujyi wa Paris mu Bufaransa aho yari yajyanywe kuvurirwa.

Yabaye Visi perezida muri Guverinoma y’Inzibacyuho hagati y’umwaka wa 2003-2007.

Amakuru y’urupfu rwe yemejwe na Azarias Ruberwa nawe wigeze kuba Visi Perezida muri leta y’inzibacyuho ya RDC.

Radio Okapi ivuga ko ku wa Mbere aribwo Ngoma yajyanywe kwa muganga igitaraganya kubera ikibazo cy’umutima.

Apfuye mu gihe yari umwe mu bafite uruhare mu biganiro bya politiki bigamije kugarura amahoro muri RDC.

Ngoma wavutse ku itariki ya 18 Nzeri 1947 yakoze ibikorwa bitandukanye muri Politiki ya RDC ndetse yigeze gukatirwa igihano cy’urupfu na Perezida Laurent-Désiré Kabila, ariko gikurwaho biturutse ku busabe bw’ibihugu byo ku mugabane w’u Burayi.

Arthur Z’ahidi Ngoma yavutse tariki ya 18 Nzeri 1947, yabaye umwe muri ba Visi Perezida muri guverinoma y’inzibacyuho muri Repubulika Iharanira Demokarasi ya Congo, maze arahira tariki ya 17 Nyakanga 2003.

Ngoma yavukiye muri mu Ntara ya Maniema. Mu mirimo yakoze yabaye umwarimu muri kaminuza ndetse aba n’umwe mu bakozi b ’Ishami rya Loni rishinzwe guteza imbere uburezi, ubumenyi n’umuco(UNESCO).

Mu 1997 yaje gufungwa nyuma gato aza guhunga. Yayoboye umutwe waharaniraga demokarasi muri Congo (RCD), utaravugaga rumwe n’ubutegetsi bwariho muri Congo wa Rally for Congolese Democracy yavuyemo mu 1999.

Yaje kwiyamamaza mu matora ya Perezida wa Repubulika muri Congo muri 2006. Icyo gihe yaratsinzwe n’amajwi 0.34%. Yapfiriye i Paris mu Bufaransa afite imyaka 69.

Arthur Z’ahidi Ngoma yabaye Visi Perezida muri RDC

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved