Kwamamaza

Sudani y’Epfo: Leta yabujije Machar gutahuka mbere ya 2018

Yanditswe kuya 19-10-2016 saa 19:45' na Mukaneza M.Ange


COMMENTS: 2

Leta ya Sudani y’Epfo yaburiye Riek Machar wahoze ari Visi Perezida, kuri ubu akaba ari mu buhungiro muri Afurika y’Epfo kudahirahira agaruka mu gihugu mbere ya 2018.

Ibi Leta ibivuze mu gihe kuwa Kabiri tariki ya 18 Ukwakira 2016, aribwo Machar wahunze muri Nyakanga 2016 yatangaje ko agiye gutahuka ndetse anemeza ko kimwe cya kabiri cy’igihugu kiri mu maboko y’ingabo ze zizwi nka SPLM-IO.

Umuvugizi wa Perezidansi ya Sudani y’Epfo, Ateny Wek Ateny yabwiye BBC ko ibyo Machar yavuze ari ugushaka kubeshya abatazi ikarita ya Sudani y’Epfo.

Ati “ Leta igenzura 95% cyangwa 99.9%. Arashaka kubeshya abatazi uko ikarita ya Sudani y’Epfo imeze. Numvise mugiriye impuhwe kubera ko iyo ingabo ze ziba zigenzura kimwe cya kabiri cy’igihugu ntabwo aba yarahunze Juba.”

Abajijwe niba hari ibiganiro by’amahoro biteganyijwe hagati ya Perezida Kiir na Machar, Ateny yavuze ko icyo gihe cyarangiye kera kandi ko Leta itakimubona nk’umuyobozi w’Ihuriro ry’Amashyaka atavuga rumwe na Leta (Sudan People’s Liberation Movement-in-Opposition-SPLM-IO).

Ati “Niba yifuza kuza muri Sudani y’Epfo, yemerewe gusa kugaruka nyuma ya 2018, ubwo Leta y’inzibacyuho izaba irangiye n’amtora yarabaye.”

Sudani y’Epfo yabonye ubwigenge mu 2011 ariko mu 2013 intambara iza kurota nyuma y’aho Perezida Kiir ashinje Machar wari Visi Perezida we gushaka kumuhirika ku butegetsi.

Muri Mata uyu mwaka nibwo Machar yasubiye i Juba, mu Murwa Mukuru wa Sudani y’Epfo mu rwego rwo guhagarika intambara no kubahiriza amasezerano y’amahoro yari yashyizweho umukono mu 2015, ahari hemeranyijwe kugabana ubutegetsi no gushyiraho igisirikare kimwe.

Muri Nyakanga uyu mwaka ariko ibintu byaje kongera kudogera ubwo ingabo zishyigikiye Machar zatangaje ko zagabweho igitero n’ingabo za Leta. Muri uko kwezi ni nabwo yahise yongera arahunga.

Kuva izi mvururu zatangira ibihumbi by’Abanya-Sudani y’Epfo byarishwe, mu gihe ababarirwa muri miliyoni bakuwe mu byabo.

Ibiro bya Perezida Salva Kiir (iburyo) byatangaje ko Riek Machar azemererwa kwinjira mu gihugu nyuma ya 2018

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 22 Ukuboza 2016
Copyright © 2009 -2014 - IGIHE Ltd - All Rights Reserved