00:00:00 IGIHE NETWORK KN KINYARWANDA EN ENGLISH FR FRANCAIS

Namibia: Uburuhukiro bw’ibitaro bwuzuye abishwe na Covid-19

Yanditswe na Bukuru JC
Kuya 30 Kamena 2021 saa 08:51
Yasuwe :
0 0

Perezida wa Namibia, Hage Geingob, yatangaje ko igihugu cye kiri mu bihe bidasanzwe kubera ubwiyongere bukabije bw’abicwa na Covid-19 byanatumye uburuhukiro bw’ibitaro bwuzura.

Mu ijambo yagejeje ku baturage, yavuze ko mu minsi 15 ishize abantu 513 bamaze guhitanwa na Covid-19, kandi ko n’abandura bakomeje kwiyongera guhera mu ntangiriro za Kamena, nkuko BBC yabitangaje.

Mu gihugu gituwe na miliyoni 2.5, bivuze ko Namibia ariyo ifite impfu nyinshi za Covid-19 muri Afurika ugereranyije n’abayituye.

Perezida Geingob yategetse ko hafatwa ingamba nshya zirimo izihuza uturere. Icyakora, yavuze ko ibipimo bigaragaza ko ibintu bizakomeza kuba bibi kugeza mu ntangiriro za Kanama uyu mwaka mu gihe nta gikozwe.

Minisitiri w’Ubuzima, Kalumbi Shangula, yatangaje ko igihugu cyabo kiri mu bihe bibi.

Yavuze ko mu bitaro, abishwe na Covid-19 bari kubura aho bashyirwa kubera ko uburuhukiro bwuzuye cyane.

Uyu muyobozi kandi yavuze ko hari gushakishwa ibindi bikoresho byo guhangana n’icyorezo nk’ibitanda by’abarwayi, umwuka abarembye bakenera n’ibindi.

Abicwa na Covid-19 muri Namibia bakomeje kwiyongera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .