Mu mezi umunani, iseru imaze guhitana abana 2700 muri RDC

Yanditswe na Ferdinand Maniraguha
Kuya 19 Kanama 2019 saa 09:31
Yasuwe :
0 0

Kuva uyu mwaka watangira, indwara y’iseru imaze guhitana abana basaga 2700 muri Repubulika Iharanira Demokarasi ya Congo.

Umuryango w’abaganga batagira umupaka (Médecins Sans Frontières, MSF) watangaje ko nta kidasanzwe icyo gihugu kiri gukora ngo gihagarike icyo cyorezo.

Umuyobozi w’abaganga batagira umupaka muri RDC, Karel Janssen yabwiye BBC ko mu ntara 26 zigize Congo, 23 zibasiwe n’icyorezo cy’iseru.

Mu bituma icyo cyorezo gikomeza gukomera, Janssen yavuze ko harimo kutagira inkingo zihagije, isuku nke, amakimbirane ateza umutekano muke abaturage bagahunga n’ibindi.

Yavuze ko ubusanzwe iseru itakabaye icyorezo, uretse iyo hajemo uburangare bwo kutayitaho.

Muri Miliyoni 8.9 z’amadolari zikenewe ngo bahangane n’icyo cyorezo, hamaze kuboneka miliyoni 2.5 z’amadolari.

Guhera muri Mutarama kugeza muri Kanama uyu mwaka, abana basaga 2700 bamaze kwica n’iseru, ukaba ari umubare munini ugereranyije n’abamaze kwica na Ebola muri icyo gihugu guhera umwaka ushize.

Umuryango w’abaganga batagira umupaka umaze gukingira abana 474,863 , wanavuye abarwayi 27,439 nkuko BBC yabitangaje.

Guhera muri Mutarama kugeza muri Kanama uyu mwaka, abana basaga 2700 bamaze kwica n’iseru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza