Misiri yakatiye urwo gupfa abari bashyigikiye Morsi

Yanditswe na David Eugène Marshall
Kuya 9 Nzeri 2018 saa 07:30
Yasuwe :
0 0

Urukiko rwo mu Misiri rwakatiye igihano cyo gupfa abagera kuri 75, naho abandi 47 bakatirwa gufungwa burundu nyuma yo guhamywa ibyaha bifitanye isano n’imvururu zabaye mu 2013.

Ibyo ibihano byahawe abari abarwanashyaka n’abayobozi mu mutwe wa Muslim Brotherhood wari ukuriwe na Mohamed Morsi.

Uhereye mu 2013, ubutabera bwa Misiri bumaze kuburanisha abarenga 700 nyuma y’imyivumbagatanyo yakurikiye ihirikwa ry’ubutegetsi bwa Mohamed Morsi.

Ibihano byahawe aba banyamisiri byamaganiwe kure na Amnesty International, yahise itangaza ko nta butabera burimo.

BBC ivuga ko abakatiwe bahuriraga ku byaha bitandukanye birimo ibyo kugumura abaturage no kwigomeka ku butegetsi. Bashinjwaga kandi gutegura ibitero ku bashinzwe umutekano.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza