00:00:00 IGIHE NETWORK KN KINYARWANDA EN ENGLISH FR FRANCAIS

Mali: Visi Perezida yakuyeho Perezida na Minisitiri w’Intebe kuko bamusuzuguye

Yanditswe na Bukuru JC
Kuya 25 Gicurasi 2021 saa 03:41
Yasuwe :
0 0

Visi Perezida wa Mali, Colonel Assimi Goita, yatangaje ko yakuyeho Perezida w’inzibacyuho Bah Ndaw na Minisitiri w’Intebe, Moctar Ouane kuko bamusuzuguye bagahindura Guverinoma atabizi.

Reuters yatangaje ko Goita yavuze ko ibyo bakoze bihabanye n’amabwiriza bashyizeho ubwo hashyirwagaho Guverinoma y’inzibacyuho.

Uyu Col Goita ni nawe wayoboye Coup d’Etat yakozwe umwaka ushize muri Kanama ubwo Perezida Ibrahim Boubaca Keïta yakurwaga ku butegetsi.

Icyo gihe hashyizweho Guverinoma y’inzibacyuho yari yitezweho gusubiza ubutegetsi mu maboko y’abasivili.

Kuri uyu wa Mbere ni bwo hatangajwe Guverinoma nshya itarimo bamwe mu basirikare b’ibyegera by’abahiritse ubutegetsi umwaka ushize.

Umunyamabanga Mukuru wa Loni, António Guterres, yasabye igisirikari cya Mali cyafunze Perezida na Minisitiri w’Intebe kubarekura byihuse.

Bivugwa ko Bah Ndaw na Moctar Ouane bajyanywe mu Kigo cya Gisirikari cya Kati giherereye mu bilometero bike uvuye mu Murwa Mukuru Bamako. Icyo kigo ni nacyo cyahirikiwemo Perezida umwaka ushize.

Col Assimi Goita yavuze ko yakuyeho Perezida na Minisitiri w'Intebe kuko bamusuzuguye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .