Kwamamaza

Mali: Perezida yirukanye Minisitiri w’Ingabo

Yanditswe kuya 4-09-2016 saa 14:44' na Jean Louis Uwishyaka


Perezida wa Mali Ibrahim Boubacar Keita yirukanye ku mirimo Minisitiri w’Ingabo z’iki gihugu Tieman Hubert Coulibaly nyuma y’uko kuri uyu wa gatanu abarwanyi bo mu idini ya Islam bigaruriye agace ka Boni gaherereye rwagati mu gihugu.

Ibiro ntaramakuru by’Abongereza Reuters, bivuga ko Coulibaly yasimbujwe Abdoulaye Idrissa Maiga, wahoze ari Minisitiri w’ubutegetsi bw’igihugu ndetse akaba n’uwari ukuriye ibikorwa byo kwiyamamaza mu matora y’umukuru w’iki gihugu yabaye mu 2013.

Aba barwanyi bikekwa kuba ari abo mu mutwe wa Ansar Dine, batwitse inyubako z’abaturage ndetse banafata bugwate umwe mu bayobozi bo muri ako gace gusa nyuma mu masaha make baje kumurekura.

Leta y’iki gihugu yatangaje ko muri icyo gikorwa nta muntu wahaguye ndetse ngo kugeza ubu ingabo z’igihugu zamaze gufata ako gace kari kigaruriwe n’abo barwanyi.

Iki si igikorwa cya mbere gikozwe n’aba barwanyi muri uyu mwaka kuko iki gihugu cyakunze kwibasirwa n’aba barwanyi aho bagiye bakora ibikorwa by’ubugizi bwa nabi kuva mu majyaruguru y’igihugu kugeza mu gihugu hagati, mu bilometero bike uvuye mu murwa mukuru Bamako.

Imitwe y’abarwanyi muri iki gihugu yadutse mu 2012, ubwo habaga imvururu z’abarwanyi bo mu bwoko bw’aba Tuareg bari bahanganye na Leta bagamije ubwigenge bw’amajyaruguru y’iki gihugu.

Mu 2013, Ingabo z’u Bufaransa zatanze ubufasha mu kurwanya aba barwanyi gusa umutekano muke wo wakomeje kurangwa muri iki gihugu.

Abarwanyi b’uyu mutwe baherutse kwica abasirikare b’igihugu 17 ndetse banakomeretsa abagera kuri 35 ubwo habaga igitero ku birindiro by’ingabo biherereye ahitwa Nampala muri Nyakanga.

Ibyo bitero byigambwe n’abarwanyi b’umutwe wa Ansar Dine ndetse na Peul.

Minisitiri w’Ingabo z’iki gihugu Tieman Hubert Coulibaly yirukanwe ku mirimo ye

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved