00:00:00 IGIHE NETWORK KN KINYARWANDA EN ENGLISH FR FRANCAIS

Mali: Perezida na Minisitiri w’intebe bari bafashwe n’igisirikare barekuwe

Yanditswe na Nkurunziza Jean Baptiste
Kuya 27 Gicurasi 2021 saa 06:39
Yasuwe :
0 0

Uwari Perezida w’inzibacyuho wa Mali, Bah N’Daw na Minisitiri w’intebe Moctar Ouane kuri uyu wa Kane barekuwe nyuma y’iminsi ine bafunzwe n’igisirikare.

Kuwa Mbere nibwo batawe muri yombi, bajyanwa gufungirwa mu kigo cya gisirikare cya Kati kiri hanze y’umurwa mukuru Bamako. Ifatwa ryabo ryategetswe na Visi Perezida Col. Assimi Goita wahise atangaza ko ari we Perezida.

Goita yavuze ko yabakuye ku butegetsi kuko bamusuzuguye, bagahindura Guverinoma atabizi.

Nk’uko ibinyamakuru birimo France24 bibitangaza, kuri uyu wa Kane nibwo aba bombi barekuwe basubira mu miryango yabo, abo mu miryango yabo bakaba bemeje aya makuru yo kurekurwa.

Aba bombi barekuwe nyuma yo kwegura bafunzwe n’igisirikare, ibintu Umuryango w’Abibumbye wavuzeko bidashoboka kuko bitanyuze mu mucyo.

Col. Assimi Goita niwe wari uyoboye ihirika ry’ubutegetsi ryakorewe Ibrahim Boubacar Keita ryabaye muri Kanama 2020.

Uwari Perezida w’inzibacyuho wa Mali, Bah N’Daw yarekuwe kuri uyu wa Kane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .