00:00:00 IGIHE NETWORK KN KINYARWANDA EN ENGLISH FR FRANCAIS

Mali: Col Goïta yigize Perezida mu minsi itatu afunze uwari kuri uwo mwanya

Yanditswe na Dufitumukiza Salathiel
Kuya 28 Gicurasi 2021 saa 07:18
Yasuwe :
0 0

Col Assimi Goïta wahiritse ku butegetsi uwari Perezida wa Mali, Ibrahim Boubakar Keita agashyiraho inzibacyuho iyobowe na Bah Ndaw muri Kanama 2020, yatangaje ko agiye kuyobora inzibacyuho kugeza igihe amatora azabera nyuma yo gukuraho uwo yari yagize Umukuru w’Igihugu na Minisitiri w’Intebe.

Ku wa mbere w’iki Cyumweru nibwo Perezida Ndaw wari umaze amezi icyenda ayobora inzibacyuho ya Mali itegereje amatora muri Werurwe 2022, yakuwe kuri uwo mwanya, we na Minisitiri w’Intebe, Moctar Ouane, bajya gufungirwa mu kigo cya gisirikare kiri hanze y’Umurwa Mukuru, Bamako.

Amakuru avuga ko uko kubakuraho byaturutse ku mavugurura yakozwe muri Guverinoma Col Goïta avuga ko atari yamenyeshejwe, yakuyeho uwahoze ari Minisitiri w’Ingabo, Col Sadio Camara n’uwahoze ari Minisitiri w’Umutekano, Col Modibo Kone.

BBC yatangaje ko abo bari bafunzwe barekuwe ariko Col Asssimi Goïta ahita atangaza ko ari we Perezida w’ inzibacyuho kugeza igihe amatora yari asanzwe anateganyijwe.

Irekurwa rya Bah Ndaw na Moctar Ouane ribaye nyuma y’igitutu Mali yokejwe n’Umuryango w’Abibumbye, Leta Zunze Ubumwe za Amerika, Afurika yunze Ubumwe, Ubumwe bw’u Burayi n’Umuryango uhuza Ubukungu bw’Ibihugu byo mu Burengerazuba bwa Afurika (Ecowas).

Col Asssimi Goïta yatangaje ko ari we Perezida w’inzibacyuho muri Mali kugeza mu mwaka utaha hakorwa amatora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .