00:00:00 IGIHE NETWORK KN KINYARWANDA EN ENGLISH FR FRANCAIS

Malawi: Inkingo ibihumbi 19 za Covid-19 zigiye kwangizwa

Yanditswe na Bukuru JC
Kuya 19 Gicurasi 2021 saa 07:50
Yasuwe :
0 0

Inzego z’Ubuzima muri Malawi zatangaje ko zigiye kujugunya inkingo za Covid-19 zisaga 19000 zo mu bwoko bwa AstraZeneca .

Izo nkingo zirangizwa kuri uyu wa Gatatu kubera ko zarangije igihe kandi ubuyobozi bukaba buvuga ko nta bushobozi buhari bwo kuzikoraho ubushakashatsi ngo bamenye niba bazihaye abantu nta ngaruka byagira.

Malawi iraba ibaye igihugu cya mbere muri Afurika cyangije inkingo za Covid-19 kubera iyo mpamvu, nk’uko BBC yabitangaje.

Leta ya Malawi yatangaje ko kwangiza izo nkingo bigamije guha icyizere abaturage ko bitaweho, ndetse ko inkingo zidafitiwe icyizere zidakoreshwa kugira ngo bakangukire kuzifata ku bwinshi.

Kugeza ubu Abanya-Malawi ntabwo barakangukira kwitabira guhabwa urukingo rwa Covid-19. Leta ifite impungenge ko inkingo zarangije igihe zitanzwe byarushaho kugabanya umubare w’abitabira kwikingiza.

Abaturage ba Malawi basaga 330000 nibo bamaze kwikingiza urukingo rwa Covid-19.

Inkingo za Covid-19 muri Malawi zigiye kwangizwa kubera ko zarengeje igihe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .