Abaminisitiri bitabye Imana ni ushinzwe Ubutegetsi bw’Igihugu, Lingson Berekanyama n’ushinzwe ubwikorezi, Sidik Mia bose bapfuye mu gitondo cyo ku wa Kabiri nyuma y’igihe gito byemejwe n’abaganga ko banduye Covid-19.

Mu itangazo Ibiro bya Perezida byashyize hanze, byavuze ko kubera kubura abayobozi babiri bo ku rwego nk’uru mu munsi umwe byatumye hashyirwaho iminsi itatu y’icyunamo.

Icyorezo cya Covid-19 kiragenda kirushaho gufata indi ntera muri Malawi, aho kimaze kwica abagera kuri 235 mu gihe hari n’umubare munini w’abakomeje kucyandura, aho kuri ubu barenga 2700 barimo 452 banduye ku wa 11 Mutarama gusa.

Sidik Mia wari Minisitiri w'Ubwikorezi muri Malawi yishwe na Covid-19