Loni igiye guterana by’igitaraganya yiga ku makimbirane yubuye muri Darfur

Yanditswe na Ndahayo Emmanuel
Kuya 21 Mutarama 2021 saa 10:05
Yasuwe :
0 0

Akanama k’Umutekano ka Loni, kagiye guterana by’igitaraganya kuri uyu wa Kane, kiga ku kibazo cy’amakimbirane yongeye kubura mu gace ka Darfur nyuma y’igihe gito ubutumwa bwo kugarura amahoro muri ako gace, Unamid, bwarimo n’Ingabo z’u Rwanda, buhagaritswe.

Iyi nama y’igitaraganya yatumijwe ku busabe bw’ibihugu birimo Leta Zunze Ubumwe za Amerika, u Bufaransa, n’u Bwongereza nyuma y’uko amakimbirane y’amoko mu gace ka Darfur amaze guhitana abantu barenga 155 mu gihe abandi babarirwa mu bihumbi bavuye mu byabo.

Amakimbirane yahoshejwe nyuma y’uko Leta y’Inzibacyuho muri Sudani yohereje ingabo mu gace ka El Geneina karimo imirwano kugira ngo zigarure umutekano.

Mu myiteguro ya nyuma mbere y’uko ingabo za Unamid zivanwa muri Sudani, Leta yari yagiranye amasezerano y’amahoro n’imitwe yitwaje intwaro muri icyo gihugu, gusa benshi mu bakurikiranira hafi ibibera muri Sudani, bavuze ko gusoza ubutumwa bwa Unamid bishobora kuzatuma ibibazo by’amakimbirane ashingiye ku moko byongera kubura muri icyo gihugu, aho ndetse hari n’abavuga ko bishobora kuzabyara Jenoside mu gihe bitakurikiranwa neza.

Akanama k'umutekano ka Loni kagiye guterana kiga ku kibazo cy'amakimbirane y'amoko ari kubera i Darfur

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .