Kwamamaza

Libya: Abantu 18 bahitanywe n’igitero cy’ubwiyahuzi

Yanditswe kuya 4-08-2016 saa 08:01' na Elias Hakizimana


Umwiyahuzi yagabye igitero mu karere ka Al-Guwarsha mu Burasirazuba bw’umujyi wa Benghazi muri Libya, gihitana abagera kuri 18 naho 12 barakomereka.

Igitero cy’igisasu cyatezwe mu modoka cyaturitse kuri uyu wa kabiri mu Mujyi wa Benghazi ukunze kwibasirwa n’imirwano hagati y’imitwe igendera ku matwara y’idini ya islam ndetse n’ingabo za Leta zirwanira mu Burasirazuba bwa Libya.

Umutwe ugendera ku matwara ya Islam uharanira impinduka ‘Shura Council of Benghazi Revolutionaries’ niwo wahise wigamba iki gitero.

Umwe mu bashinzwe umutekano mu Mujyi wa Benghazi utatangajwe amazina yabwiye BBC dukesha iyi nkuru ko iki gisasu cyatewe hafi y’ibiro bikuru bya Brigade ya 146, ahakambitse ingabo zikunze kurwanya imitwe y’iterabwoba ishamikiye kuri Islam muri uyu mujyi.

Umwe mu babonye iterwa ry’igisasu yatangarije Ibiro Ntaramakuru by’Abongereza, Reuters, ko cyari gifite ingufu nyinshi ndetse ko cyasenye bikomeye inyubako y’amagorofa atatu, kinangiza imodoka icumi.

Abasirikare bane bakuru (Commanders) bari aho nibo babashije kumenyekana mu bahise bahasiga ubuzima ndetse hakaba hari n’imibiri y’abasirikare bagishakishwa munsi y’ibisigazwa by’inyubako yabaguye hejuru.

Guverinoma ya Libya yatangiye kugaba ibitero simusiga ku mutwe wa Islamic State muri Gicurasi uyu mwaka, mu minsi ishize yatangaje ko ibi bitero bimaze gutanga umusaruro.

Abayobozi bo mu Burengerazuba bwa Libya bavuga ko umubare w’abarwanyi ba Islamic State (IS) mu minsi ishize wabarirwaga mu 6,000 ubu ukaba umaze kugabanuka kubera igitutu ukomeje kotswa n’ingabo za Leta.

Libya yatangiye gucikamo ibice kuva Muammar Gaddafi yakurwa ku butegetsi muri 2011 n’abatavuga rumwe na Leta ndetse n’imitwe ya gisirikare yakunze kugaba ibitero bitandukanye ishaka kwigarurira igihugu no gufata ubutegetsi.

Ibi bibazo by’umutekano muke byatumye Libya, itangira kuba indiri y’abarwanyi b’imitwe y’iterabwoba irimo na Islamic State.

Kuva muri Mata, Leta Zunze Ubumwe za Amerika zemeye gutangira gutera inkunga Guverinoma nshya ya Libya yari yongeye gukorera mu mujyi wa Tripoli mu bikorwa bya Gisirikare byo kurwanya iterabwoba.

Igisirikare cya Libya cyatangiye kugaba ibitero ku barwanyi ba Islamic State muri Gicurasi
Kuva muri 2011, Muammar Gaddafi yakurwa ku butegetsi, Libya yahise itangira kwibasirwa n'intambara z'urudaca

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved