Kompanyi y’indege ya Afurika y’Epfo ishobora gufungwa

Yanditswe na Mukaneza M.Ange
Kuya 3 Ugushyingo 2018 saa 01:49
Yasuwe :
0 0

Minisitiri mushya w’imari muri Afurika y’Epfo, Tito Mboweni, yatangaje ko asanga Kompanyi y’iki gihugu itwara abantu n’ibintu mu ndege yagakwiye gufunga imiryango.

Ibi Mboweni umaze ibyumweru bitatu gusa kuri uyu mwanya yabivuze ashingiye ku kuba iyi ‘South Africa Airways’ imaze imyaka myinshi ikorera mu gihombo.

Yagize ati “ Ikomeje gukorera mu gihombo, biragoye ko tuyikura muri iki kibazo, ku bwanjye rero nsanga yagakwiye gufungwa.”

Kuva mu 2011, iyi sosiyete y’indege iri mu zikomeye kandi nini muri Afurika ikorera mu gihombo, ku buryo kugira ngo ibashe gukomeza gukora bisaba ubufasha bwa guverinoma. Imaze gutangwaho asaga miliyari ebyiri z’amadolari.

Iri mu bigo bya leta, Perezida Cyril Ramaphosa, yasezeranyije kuzongera kuzahura.

BBC dukesha iyi nkuru ivuga ko nubwo gufunga iyi sosiyete bitarajya muri gahunda za guverinoma, Mboweni wari mu nama ku ishoramari yaberaga i New York, yagaragaje impamvu uyu mwanzuro ari wo unoze.

Ati “Impamvu mvuga ko ikwiye gufungwa ni ukubera ko bigoye kubona umufatanyabikorwa uturutse mu bikorera ushobora kuza gushoramo imari.”

South Africa Airways yatangiye gusubira inyuma ku butegetsi bwa Jacob Zuma uherutse kweguzwa, kubera gukorera mu bice bitinjiza inyungu ifatika yagiye yisanga mu madeni ndetse iheruka guhabwa na leta inkunga ingana na miliyoni 349 z’amadolari.

Uku gusubira inyuma kwayo byahaye amahirwe sosiyete mpuzamahanga zirimo British Airways na Lufthansa zahise zitangira kwagura ibikorwa byazo muri Afurika y’Epfo.

South Africa Airways ikomeje gukorera mu gihombo ishobora gufunga imiryango

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza