Kinshasa: Polisi yatoboye amapine y’imodoka yari itwaye Martin Fayulu

Yanditswe na Sekamana Mathias
Kuya 1 Nyakanga 2019 saa 01:47
Yasuwe :
0 0

Polisi ya Repubulika ya Demokarasi ya Congo, kuri iki Cyumweru yatoboye amapine ane y’imodoka yari itwaye Martin Fayulu utavuga rumwe n’ubutegetsi, ubwo yajyaga mu myigaragambyo y’ihuriro Lamuka.

Abatavuga rumwe n’ubutegetsi bakomeje kwigaragambya ku mpamvu zirimo icyemezo giheruka gufatwa n’Urukiko rurengera Itegeko Nshinga, cyo gutesha agaciro amajwi y’abantu 23 baherukaga gutsindira kuba abadepite b’ihuriro Lamuka ritavuga rumwe na Leta.

Polisi yavuze ko yashakaga guhagarika Fayulu nyuma y’umwanzuro wafashwe na Guverineri wa Kinshasa, wo kubuza imyigaragambyo yasabwe na Lamuka. Polisi ngo yabanje guhagarika Fayulu, arabyanga atumaho indi modoka yagombaga guturuka ahitwa Gombe, ihita itoborwa amapina.

Ku wa Gatandatu Perezida Felix Tshisekedi yabwiye France 24 na RFI mu kiganiro bagiranye, ko ashyigikiye ihagarikwa ry’iyo myigaragambyo kubera ibibazo byatejwe n’iyari yabanje, avuga ko “hari abantu bitiranya demokarasi n’ukutagira amategeko ngenderwaho.”

Iyi myigaragambyo yari yateguwe kuri iki Cyimweru, ku munsi RDC yizihizaho umunsi w’ubwigenge. Ni imyigaragambyo yavugaga ko igamije gusaba leta kubaha ugushaka kw’abaturage no kurwanya ruswa.

Abapolisi bahagaritse Martin Fayulu wari ugiye mu myigaragambyo
Imodoka ya Martin Fayulu yatobowe amapine na Polisi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza