00:00:00 IGIHE NETWORK KN KINYARWANDA EN ENGLISH FR FRANCAIS

Kenya yakomoreye indege zivuye muri Somalia

Yanditswe na Bukuru JC
Kuya 10 Kamena 2021 saa 08:21
Yasuwe :
0 0

Minisiteri y’Ububanyi n’Amahanga ya Kenya yatangaje ko yakomoreye indege zivuye muri Somalia n’iziva muri Kenya ziganayo, nyuma y’umwaka umwuka utameze neza hagati y’ibihugu byombi.

Itangazo Kenya yashyize hanze kuri uyu wa Kane, rivuga ko ibyakozwe ari uburyo bwo kuzahura umubano umaze igihe urimo agatotsi.

Icyakora nubwo indege zivuye muri Somalia zemewe muri Kenya, ingamba zisanzwe zo kwirinda Covid-19 zizakomeza kubahirizwa ku bagenzi binjiye muri Kenya.

Izo ngamba zirimo kuba abagenzi bajya muri Kenya bagomba kuba bafite icyangombwa kigaragaza ko bipimishije Covid-19 kitarengeje amasaha 96.

Ikigo gishinzwe Indege za Gisivili muri Kenya tariki 11 Gicurasi 2021 ni bwo cyari cyahagaritse indege ziturutse muri Somalia cyangwa izerekezayo, icyemezo cyagombaga kumara amezi atatu.

Kuri ubu indege ziturutse muri Somalia zemerewe kwinjira muri Kenya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .