Kenya: Nyirakuru wa Barack Obama yitabye Imana

Yanditswe na Muhonzire Sylvine
Kuya 29 Werurwe 2021 saa 10:16
Yasuwe :
0 0

Uwahoze ari Perezida wa Leta Zunze Ubumwe za Amerika, Barack Obama, yabuze umukecuru yafataga nka nyirakuru, Sarah Onyango Obama, wari umugore wa gatatu akaba n’umuto wa Sekuru Hussein Onyango Obama. Yitabye Imana ku myaka 99.

Africa Nation yatangaje ko Sarah Obama yitabye Imana mu rukerera rwo kuri uyu wa Mbere, tariki 29 Werurwe azize indwara. Yaguye mu Bitaro bya Jaramogi Oginga Odinga Hospital biherereye mu Burengerazuba bw’Umujyi wa Kisumu muri Kenya.

Umukobwa we, Marsat Obama, ni we wemeje iby’urupfu rw’uyu mukecuru avuga ko yajyanywe kwa muganga ku cyumweru tariki 28 Werurwe nyuma y’amasaha make agahita yitaba Imana.

Yavuze ko muri Nzeri umwaka ushize wa 2020, Sarah Obama yagize ikibazo cya ‘stroke’ ndetse ko yari afite n’uburwayi bwa ‘Diabète’.

Umuryango we uri gutegura uko imihango yo gushyingura igenda, ndetse biteganyijwe ko ashyingurwa mu irimbi ry’abayisilamu riherereye mu Mujyi wa Kisumu.

Barack Obama yakundaga kumwita ‘Granny Sarah’ ndetse bari inshuti cyane, kuko uyu mukecuru yumvikanye kenshi abeshyuza abashakaga ko Obama atsindwa amatora y’Umukuru w’Igihugu muri Amerika, bavuga ko ari Umuyisilamu kandi atavukiye muri Amerika.

Barack Obama yapfushije nyirakuru
Uyu mukecuru bakundaga kumwita Mama Sarah
Sarah Obama yitabye Imana ku myaka 99
Yakundaga Obama cyane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .