00:00:00 IGIHE NETWORK KN KINYARWANDA EN ENGLISH FR FRANCAIS

Kenya: Dr. Stephen Karanja warwanyije ibikorwa byo gukingira Covid-19 yishwe nayo

Yanditswe na Dufitumukiza Salathiel
Kuya 1 Gicurasi 2021 saa 11:53
Yasuwe :
0 0

Umuganga w’Umunya-Kenya wari n’Umuyobozi w’Ihuriro ry’Abaganga b’Idini Gatolika muri icyo gihugu, Dr. Stephen Karanja, yishwe na Covid-19 nyuma y’igihe kinini yamagana inkingo zayo.

BBC yatangaje ko Dr. Karanja yakunze kuvuga ko inkingo za Covid-19 “ntacyo zimaze” ahubwo ko abantu bakwiye kwifashisha “Guhumeka umwuka ushyushye” mu kwirinda iki cyorezo.

Yigeze kugira ati “Tuzi ko ibikorwa byo gukingira iyi ndwara ntacyo bimaze.”

Ku wa Kane w’iki Cyumweru ni bwo Dr. Karanja yapfuye nyuma y’icyumweru ari mu bitaro avurwa Covid-19.

Uwo muganga wari ufite ubumenyi mu byo kubyaza n’ubuzima bw’imyororokere ku bagore, yari asanzwe azwiho guhakana n’izindi nkingo mbere y’urwa Covid-19.

Nko mu 2019, yarwanyije ibikorwa byo gukingira abanyeshuri b’abakobwa kanseri y’inkondo y’umura, naho mu 2014 arwanya ikingira rya tétanos. Mu 2018 nabwo yagaragaye yamagana ibyo kwemera ikurwamo ry’inda muri icyo gihugu.

Dr. Karanja yanenzwe na benshi mu myitwarire ye, ariko umwanya w’ubuyobozi mu Idini Gatolika yawugumyeho. Icyakora iri dini ryanze kwerura ngo rivuge ko rimushyigiye cyangwa ritamushyigikiye, cyane ko yanze no kugaragaza niba ibyo aba avuga abivuga mu izina ry’ihuriro ayoboye.

Dr. Karanja yarwanyije ibikorwa by'ikingira rya Covid-19 ndetse n'izindi nkingo, kugeza ubwo iki cyorezo kimuhitanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .