Kenya: Abitwaje intwaro bateye urugo rwa Visi Perezida William Ruto

Yanditswe na Bukuru JC
Kuya 30 Nyakanga 2017 saa 07:40
Yasuwe :
0 0

Abantu bataramenyekana bitwaje intwaro bateye urugo rwa Visi Perezida wa Kenya, William Ruto, kuri uyu wa Gatandatu tariki ya 29 Nyakanga 2017, bakomeretsa bikomeye umwe mu bapolisi bashinzwe kuharinda.

Umuyobozi waganiriye n’Ibiro Ntaramakuru by’Abafaransa (AFP) utemerewe kugaragara mu itangazamakuru, yavuze ko icyo gitero cyabaye Visi Perezida Ruto atari mu rugo.

Uyu muyobozi yakomeje atangaza ko abo bitwaje intwaro barashe uwo mupolisi, banamutwarira imbunda.

Umuyobozi wa Polisi muri Kenya, IGP Joseph Boinnet, we yatangarije Reuters ko uwo mupolisi yatemwe n’umuhoro.

Inzego z’umutekano zikomeje iperereza kugira ngo hamenyekane ko abagabye icyo gitero nta bakiri hafi y’urugo rwa Ruto ruherereye mu mujyi wa Eldoret, uri muri kilometero 312 mu Majyaruguru y’umurwa mukuru wa Kenya, Nairobi.

Iterwa ry’urugo rwa Visi Perezida ribaye mu gihe uwo yungirije Uhuru Kenyatta ari mu bikorwa byo kwiyamamaza gukomeza kuyobora Kenya mu matora ateganyijwe kuwa 8 Kanama 2017.

Uhuru Kenyatta ahanganye n’umukandida Raila Odinga w’ishyaka ritavuga rumwe n’ubutegetsi bwa Kenya.

Visi Perezida wa Kenya, William Ruto
Urugo rwa Visi Perezida William Ruto

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza